Framhaldsskólanemar fá að dansa örlítið lengur

Tillaga þess efnis að breyta málsmeðferðarreglum borgarinnar þannig að hver framhaldsskóli megi halda skóladansleik til klukkan tvö eftir miðnætti einu sinni á hverju skólaári var samþykkt á fundi borgarráðs í vikunni.

Skóladansleikir tilheyra tækifærisleyfum og mega því standa til klukkan eitt, að því er fram kemur í Morgunblaðinu í dag.

Tillagan var lögð fram í framhaldi af afgreiðslu leyfis vegna nemendamóts Verzlunarskóla Íslands, sem fram fór á fimmtudag. Sú hefð hefur myndast í gegnum árin að hver skóli geti óskað eftir leyfi til klukkan tvö einu sinni á ári. Þeirrar hefðar er hins vegar hvergi getið í málsmeðferðarreglum borgarráðs.