Á Litla-Hrauni, þar sem fangar framleiða númeraplötur á bílaflota landsmanna, hefur verið í nógu að snúast að undanförnu.
Það sem af er þessu ári hafa 57.100 slíkar verið framleiddar og gæti talan á árinu nálgast fjöldann árið 2007 þegar framleiddar voru 70.430 plötur.
Í umfjöllun um mál þetta í Morgunblaðinu í dag segir Halldór Valur Pálsson, forstöðumaður á Litla-Hrauni, að áherslur í fangelsismálum séu mjög að breytast. Að fólk í afplánun fari fyrr en áður í opin úrræði eða á áfangaheimili gefi góða raun.