Kristján Þór Júlíusson, mennta- og menningarmálaráðherra, hefur auglýst stöður skólastjórnenda tveggja framhaldsskóla, annars vegar Fjölbrautaskólans í Ármúla og hins vegar Menntaskólans í Reykjavík.
Þetta kemur fram í tilkynningu frá ráðuneytinu. Segir þar að umsóknarfrestur fyrir báðar stöður sé til 8. ágúst.
Þá kemur einnig fram að Hildur Halldórsdóttir hafi verið settur skólameistari Menntaskólans á Ísafirði tímabundið í eitt ár, vegna námsleyfis Jóns Reynis Sigurvinssonar. Herdís Þuríður Sigurðardóttir hafi þá verið sett í embætti skólameistara Framhaldsskólans á Húsavík til eins árs.