Myndskeið: „Dregur jafnt og þétt úr rennslinu“
Setja bókamerki
Jökulhlaupið í Skaftá er áfram í rénun en að sögn Einars Hjörleifssonar, náttúruvásérfræðings á Veðurstofu Íslands, var hámarksrennsli náð við Sveinstind í gærmorgun, um 1.500 rúmmetrar á sekúndu.
„Síðan þá hefur verið nokkuð jafnt rennsli í um sólarhring og nú er það heldur lækkandi,“ segir Einar í samtali við mbl.is.
Ljósmyndari mbl.is tók þessar drónamyndir af hlaupinu í dag en viðbúið er að vatnið muni halda áfram að dreifa úr sér um láglendið á næstu dögum.
„Það dregur jafnt og þétt úr rennslinu og hefur gert í allan dag,“ segir Einar og bætir við að rennsli við Sveinstind sé nú um 860 rúmmetrar á sekúndu.
Við Kirkjubæjarklaustur mælist rennslið um 220 rúmmetra á sekúndu og hefur verið þannig í nokkra daga að sögn Einars.
„Það mun taka einhverja daga fyrir vatnsrennslið að verða aftur eðlilegt.“
Þurfa að taka myndir áður en goslokum er lýst yfir
„Farnir að halda verðbólgunni uppi“
Skuldahalinn lengist í Reykjavík
María Sigrún svarar Degi fullum hálsi
„Hætta á því að það dragi úr samstöðunni“
Eldgosinu er lokið