Lögreglan á Suðurlandi hefur ákveðið að aflétta öllum vegalokunum vegna yfirstandandi hlaups í Skaftá. Enn er þó hætta á gasmengun við Skaftá og því er varað við að dvelja nálægt bökkum hennar að óþörfu.

Segir í tilkynningu frá lögreglu að ákvörðunin hafi verið tekin í samráði við sérfræðinga Veðurstofu Íslands, Vegagerðarinnar og almannavarna.

Þær lokanir sem um ræðir eru:

• Landmannalaugar inn á Fjallabak-nyrðra inná F-208
• Skaftártungnavegur (vegur 208) frá Búlandi
• Inn á Álftavatnskrókinn á vegi F-210 inná F-233
• Vestan við vað yfir Hólmsár gatnamót F-210 og F-232

Vísbendingar eru um að hlaupið hafi náð hámarki og tekið að draga úr rennsli. Engu að síður má búast við vatnavöxtum, ekki síst í ljósi úrkomuspár á svæðinu næstu daga. Því geta ár og lækir flætt yfir bakka sína og vegir farið undir vatn.

Frétt af mbl.is

Upptökin úr eystri Skaftárkatli

Tengdar fréttir

Skaftárhlaup

Skaftárhlaup yfirstaðið

• Skaftá sjatnar jafnt og þétt
• Upptökin úr eystri Skaftárkatli
• Mestar áhyggjur af vestari katlinum
• Virðist vera að fjara út

» Fleiri tengdar fréttir

• Blogga um frétt