Sala rafbíla dróst saman um 79,3% á milli ára ef borið er saman febrúar í ár við sama tíma í fyrra. Sala nýrra fólksbíla dróst almennt verulega saman eða alls um 57,5%.

Alls voru skráðir 397 nýir fólksbílar nú í febrúar en voru 935 í sama mánuði í fyrra.

Þetta kemur fram í tilkynningu Bílgreinasambandsins.

Eins og hefur verið greint frá þá dróst saman sala rafbíla um 50% á milli ára í janúar samanborið við sama tímabil árið 2023.

Frétt af mbl.is

Hrun í sölu nýrra rafbíla

Minnsti samdrátturinn í sölu díselbíla

Fram kemur að hlutfall rafbíla er hæst þegar skoðað er heildarsölu eftir orkugjöfum það sem af er ári, eða 31,1%. Tengiltvinn kemur þar á eftir með 21,8% af sölunni, hybrid 19,6%, dísel 19,4% og bensín 8,0% sem hlutfall sölunnar.

Hvað varðar breytingu orkugjafa milli ára er samdráttur í öllum orkugjöfum, mest þó í rafbílum og bensínbílum sem báðir eru yfir 60% samdrátt. Minnsti samdrátturinn er í sölu díselbíla, eða um 33,6%

„Ef við horfum á sölu það sem af er ári er samdráttur upp á 48,8% milli ára. Seldir hafa verið 854 nýir fólksbílar en miðað við sama tímabil í fyrra seldust 1.668 nýir fólksbílar fyrstu tvo mánuði ársins,“ segir í tilkynningunni.

Toyota er með um 20,5% markaðshlutdeild og þar á eftir kemur Dacia Duster, sem er vinsæll kostur ferðamanna, og Land Rover. Dacia Duster og Land Rover eru hvor um sig með um 8% markaðshlutdeild.

Frétt af mbl.is

Rafbílagjöld valda vandræðum

Leiðrétting: Í fyrri útgáfu þessarar fréttar sagði í inngangssetningu að sala rafbíla hefði dregist saman um 60% á umræddu tímabili en raunin er 79,3% samdráttur.

Tengdar fréttir

Orkuskipti

Rafhleðslustöðvar við öll Íslandshótel

• Versti veturinn í vatnsbúskapnum
• Sólarsellur verði á 10 til 20% íslenskra þaka
• 3.800 gígawattsstundir af viðbótarorku árlega
• 20 dráttarbílar jafnast á við þúsund fólksbíla

» Fleiri tengdar fréttir

• Blogga um frétt