Sjónvarpsstjarnan Eva Laufey tók eldhúsið sitt í gegn og lagði mikinn metnað í verkið eins og hennar er von og vísa. Eins og gefur að skilja þarf allt að virka vel enda eldhúsið vinnusvæði hennar og því skiptir það höfuðmáli að það sé í lagi.
Eva flutti aftur á æskustöðvarnar á Akranesi í fyrra og í húsinu sem hún keypti var nýbúið að skipta um eldhúsinnréttingu sem hún kveðst afskaplega ánægð með. Hins vegar vildi hún færa helluborðið og skipta út borðplötunni fyrir stein. Kvarts varð fyrrir valinu en það er náttúrulegur steinn samansettur úr hreinum kísil og súrefni. Eva er sérlega ánægð með valið og finnst hann guðdómlega fallegur að eigin sögn.
Hægt er að skoða eldhúsið betur á heimasíðu Evu Laufeyjar.