Grænlendingar fá senn eigið listasafn þar sem sýndir verða munir frá fortíð til nútíðar. Nýja safnið verður reist í höfuðstaðnum Nuuk en þar er bæði að finna háskóla landsins og grænlenska þjóðminjasafnið.
Fram kemur á vefsetri danska blaðsins JyllandsPosten að safnið muni fullgert kosta 70 milljónir danskra króna, um 840 milljónir íslenskra.
Safninu hefur þegar verið heitið ýmsum listaverkagjöfum, svo sem handverki í eigu Birthe Christensen, landshöfðingjafrú, einnig frá ekkju Hans Lynge, hins kunna grænlenska listmálara.