„Hornsteinninn er vísindin á bakvið fræðin“

Opnuð hefur verið upplýsingasíða um loftslagsmál, loftslag.is. Aðstandendur síðunnar segja hornstein hennar vísindin á bakvið fræðin. Á síðunni verður tekið á ýmsum málum tengdum loftslagsmálum, til að mynda fréttatengdu efni, ýmsum skoðunum varðandi efnið og fræðilegu ívafi.

Á vefsíðunni verður komið inn á sögu loftslagsvísinda, grunnkenningar, afleiðingar, lausnir o.fl. sem viðkemur fræðunum.

Sænski vísindamaðurinn Svante Arrhenius, sem fæddist árið 1859, var brautryðjandi í útreikningum á þeim áhrifum sem aukinn styrkur koldíoxíðs hefur á hitastig jarðar. Opnunardagurinn, 19.september varð fyrir valinu hjá ritstjórn Loftslag.is því þá voru 55.000 dagar liðnir frá fæðingu hans.

Ritstjórar síðunnar eru Sveinn Atli Gunnarsson og Höskuldur Búi Jónsson.

loftslag.is

• Blogga um frétt