Gagarín hlaut Red Dot-verðlaunin

Um síðustu helgi voru Red Dot-verðlaunin veitt við hátíðlega athöfn í Konzerthaus í Berlín.

Hönnunarstofan Gagarín hlaut hin virtu verðlaun fyrir hönnun á gestastofu Landsvirkjunar í Ljósafossstöð, en sýningin var hönnuð í samstarfi við arkitektastofuna Tvíhorf.

Fulltrúar Gagarín og Landsvirkjunar voru viðstaddir athöfnina ásamt íslensku sendiherrahjónunum í Berlín, þeim Martin Eyjólfssyni og Evu Þengilsdóttur.

Gagarín var þó ekki eina íslenska fyrirtækið sem hlaut verðlaun, því 64°Reykjavík Distillery hlaut einnig verðlaun fyrir umbúðir utan um líkjöra sína.

Hringur Hafsteinsson, Samúel Hörðdal Jónasson, Kristín Eva Ólafsdóttir, Geir Borg, Jón Cleon Sigurðsson, Martin Eyjólfsson, Eva Þengilsdóttir, Auður Edda Jökulsdóttir, Judith Orlishausen og Snorri Jónsson Ljósmynd / aðsend

Verðlaunin fóru fram í Konzerthaus í Berlín. Ljósmynd / aðsend

• Blogga um frétt