Óttarr Proppé auglýsti kjóla árið 1994

Tónlista- og þingmaðurinn Óttarr Proppé hefur alltaf verið ófeiminn við að klæða sig öðruvísi en allir hinir og gerir það vel. Hann er meira að segja flottur í kjól.

Í mars árið 1994, þegar Óttarr var að verða 26 ára gamall, setti hann sig í stellingar í kvenmannsfötum fyrir tímaritið Eintak. „Karlar í kjólum,“ var fyrirsögn myndaþáttarins sem var einskonar auglýsing fyrir verslunina Diva sem seldi notuð föt. „Notuð föt eru orðin vinsæl í kreppunni. Rétt eins og jakkaföt eru ekki aðeins fyrir karla, eru kjólar ekki eins fyrir konur,“ sagði meðal annars í textanum sem fylgdi myndaþættinum.

Aðrir ungir menn sem voru fyrirsætur þennan dag voru Einar Örn Einarsson, Sverrir Þór Sverrisson, Valtýr Gunnarsson og Þorsteinn Guðmundsson.

Óttarr Proppé „púllar“ greinilega allt. timarit.is

• Blogga um frétt