Hertogaynjan af Cambridge var glæsileg til fara þegar hún sinnti skyldustörfum sínum í morgun. Hún heimsótti barnaspítalann Ronald McDonald House Evelina London til þess að opna heimili að heiman formlega.
Hún var klædd í bláa dragt frá Rebecca Taylor og bláa rússkinnsskó við. Jakkinn er hnepptur upp í háls með léttu peplum-sniði sem er svo ansi klæðilegt. Við jakkann var hún í pilsi í stíl.
Rebecca Taylor býður upp á meðaldýrar vörur og má þess geta að jakkinn kostar um 52.000 krónur á gengi dagsins í dag.
HÉR er hægt að skoða nýjustu línu Rebeccu Taylor.