Aðeins um 300 miðar af þeim 6.500 sem gefnir voru út eru enn til sölu á úrslitaleik FH og Stjörnunnar um Íslandsmeistaratitil karla í knattspyrnu sem fram fer á Kaplakrikavelli á laugardaginn.
FH-ingar íhuga nú hvaða kostir eru í stöðunni til að fjölga stæðum fyrir áhorfendur á vellinum, og þar með koma enn fleiri fyrir en þeim 6.500 áhorfendum sem ljóst er að munu mæta á leikinn. Ákvörðun um hvað gera skal verður tekin síðar í dag.