Lára Kristín Pedersen úr Stjörnunni spilar í dag sinn fyrsta A-landsleik í knattspyrnu þegar Ísland mætir Sviss í fyrsta leiknum í Algarve-bikarnum í Portúgal en hann hefst í Lagos klukkan 15.00.
Lára, sem kom til Stjörnunnar frá Aftureldingu fyrir ári síðan, er í hópnum í fyrsta skipti og hún spilar stöðu vinstri bakvarðar í dag.
Margir af reyndustu leikmönnum liðsins eru á varamannabekknum í dag, svo sem Margrét Lára Viðarsdóttir, Dagný Brynjarsdóttir, Rakel Hönnudóttir, Katrín Ómarsdóttir, Hallbera Guðný Gísladóttir, Guðbjörg Gunnarsdóttir og Harpa Þorsteinsdóttir.
Liðið er annars þannig skipað, landsleikjafjöldi í svigum:
Markvörður: Sandra Sigurðardóttir (8)
Hægri bakvörður: Anna María Baldursdóttir (4)
Vinstri bakvörður: Lára Kristín Pedersen (0)
Miðverðir: Glódís Perla Viggósdóttir (25) og Anna Björk Kristjánsdóttir (9)
Varnartengiliðir: Gunnhildur Yrsa Jónsdóttir (13) og Ásgerður Stefanía Baldursdóttir (4)
Sóknartengiliður: Sara Björk Gunnarsdóttir, fyrirliði (78)
Hægri kantur: Fanndís Friðriksdóttir (54)
Vinstri kantur: Hólmfríður Magnúsdóttir (93)
Framherji: Elín Metta Jensen (11)
Auk þeirra sem taldar eru upp fyrir ofan eru á varamannabekknum þær Sonný Lára Þráinsdóttir, Elísa Viðarsdóttir, Arna Sif Ásgrímsdóttir, Guðný Björk Óðinsdóttir og Guðmunda Brynja Óladóttir.