Aron Rúnarsson Heiðdal, tvítugur varnarmaður úr Stjörnunni, hefur gengið til liðs við norska B-deildarliðið Nest Sotra og mun leika með því út keppnistímabilið á lánssamningi.
Þetta kemur fram á fotbolta.net í kvöld, þar sem segir að Aron hafi óskað eftir því að fara frá Stjörnunni nú í félagaskiptaglugganum. Félög í Pepsi-deildinni og 1. deild eru sögð hafa verið áhugasöm um þjónustu hans en á endanum ákvað hann að fara til Nest Sotra sem er staðsett rétt utan við Bergen.