Fyrirliðar tveggja úrvalsdeildarliða karla í knattspyrnu voru úrskurðaðir í eins leiks bann á fundi aganefndar KSÍ í dag.
Hallur Hallsson, fyrirliði Þróttar, fékk rauða spjaldið í leik liðsins gegn ÍBV, fyrir að slá í punginn á Mikkel Maigaard, framherja Eyjamanna. Hann verður í banni í botnslagnum mikilvæga gegn ÍA á sunnudaginn.
Haukur Páll Sigurðsson, fyrirliði Valsmanna, er kominn með fjögur gul spjöld í deildinni og verður því í banni þegar Valur mætir Stjörnunni á sunnudaginn.