Belgíski hægri bakvörðurinn Jonathan Hendrickx hefur leikið vel með FH í Pepsi-deild karla í knattspyrnu í sumar. Hann þótti skara fram úr í 2:0-sigri Hafnfirðinga gegn Víkingi Ólafsvík á sunnudagskvöldið.
Hendrickx er sá leikmaður sem Morgunblaðið fjallar sérstaklega um eftir 17. umferðina en hann fékk tvö M fyrir frammistöðu sína í áðurnefndum leik.
„Hann er með gríðarlega góðan leikskilning. Góðar staðsetningar og svo er hann mjög góður fram á við og hefur sérstaklega verið það bent á þessu tímabili,“ sagði hinn vinstri bakvörður FH, Böðvar Böðvarsson, um bakvarðafélaga sinn hjá Íslandsmeisturunum.
„Hann er búinn að bæta við föstum leikatriðum á þessum tíma en hann tekur fáránlega góðar hornspyrnur,“ bætti Böðvar við en bæði mörk FH-inga gegn Ólafsvíkingum komu einmitt eftir hornspyrnu frá Hendrickx.
Til að undirstrika hversu góður Hendrickx er þá gefur Böðvar blaðamanni lítið dæmi: „Hann henti mér út úr liðinu 2014, þannig að hann er drullugóður,“ en Hendrickx gekk til liðs við Hafnarfjarðarliðið í júlí fyrir tveimur árum.