Knattspyrnusamband Íslands og vörumerkið PUMA frumsýndu í dag nýja landsliðstreyju Íslands.
Á heimasíðu KSÍ kemur fram að treyjurnar séu hannaðar með framsækni og sjálfbærni í huga.
Bláa heimatreyjan er innblásin af jöklum Íslands, sem þekja 11% landsins. Ljósgráa útitreyjan með öskugráum grunnlit og rauðum eldglæringum, er innblásin af eldfjöllum Íslands.
Fyrsti leikur landsliðanna í nýju treyjunni verður á Kópavogsvelli þann 5. apríl þegar kvennalandsliðið tekur á móti Póllandi í undankeppni EM 2025.