Ísland er með sjötta besta liðið á Evrópumótinu í knattspyrnu samkvæmt sérfræðingi danska ríkisútvarpsins, DR.
Í umsögn um íslenska liðið segir: „Íslendingar unnu einn óvæntasta sigurinn á mótinu þegar þeir sendu Englendinga út úr keppninni. Liðið er vel samstillt og spilar varnarleikinn vel.“
Í toppsætinu á listanum eru Þjóðverjar og á eftir koma Ítalir, Frakkar, Walesverjar, Portúgalar og Íslendingar. Ríkjandi Evrópumeistarar Spánverjar eru í sjöunda sæti, Englendingar í tólfta sæti og Úkraínumenn skipa 24. og neðsta sætið.