Rafael á leið til Lyon

Brasilíski bakvörðurinn Rafael da Silva sem leikið hefur með Manchester United frá árinu 2008 er að öllum líkindum á leið í franska boltann.

Enskir fjölmiðlar greina frá því að Rafael muni gangast undir læknisskoðun hjá franska liðinu Lyon á morgun og að henni lokinni mun hann skrifa undir samning við félagið.

Rafael, sem er 25 ára gamall, hefur aðeins komið við sögu í 29 leikjum með United í ensku úrvalsdeildinni á síðustu tveimur tímabilum og hann virðist ekki vera inni í myndinni hjá stjóranum Louis van Gaal.

• Blogga um frétt