Jamie Carragher, fyrrverandi leikmaður Liverpool og núverandi sparkspekingur, telur að væntanleg koma José Mourinho til Manchester United muni koma liðinu aftur í hóp þeirra allra bestu.

„José (Mourinho) er stórt nafn og hefur reynslu af því að vinna titla. Hann er gríðarlega sigursæll og United vill sigurvegara,“ sagði Carragher en Mourinho hefur unnið landstitil í fjórum löndum, Portúgal, Englandi, Ítalíu og á Spáni.

Carragher veit að Mourinho er ekki þekktur fyrir að vera sókndjarfasti knattspyrnustjórinn. „Hann stýrði samt Real Madrid, sem var með frábæra sóknarmenn eins og Ronaldo innanborðs, og vann deildina þar, þannig að það ætti ekki að vera vandamál.“

„Ég held að United muni ná góðum árangri undir stjórn Mourinho. Hann hefur náð frábærum árangri alls staðar.“

Tengdar fréttir

Mourinho og Man. Utd

Er Giggs á förum?

• Ætla að þurrka út síðustu þrjú ár
• Mourinho deilir mynd af samningnum
• Mourinho ráðinn til Man. Utd
• Mourinho búinn að skrifa undir

» Fleiri tengdar fréttir

• Blogga um frétt