Sóknarmaðurinn ungi Marcus Rashford hefur skrifað undir nýjan samning við enska knattspyrnufélagið Manchester United.
Nýr og bættur samningur er til fjögurra ára en möguleiki er á því að samningurinn verði framlengdur um eitt ár.
Rashford, sem er 18 ára gamall, hefur skotist upp á stjörnuhimininn á tímabilinu. Hann skoraði mark í sínum fyrsta leik með Manchester United í Evrópudeildinni og ensku úrvalsdeildinni. Einnig skoraði hann mark síðastliðinn föstudag í sínum fyrsta leik með enska A-landsliðinu.
Manchester United tilkynnti á sama tíma að varnarmaðurinn Cameron Borthwick-Jackson hefði líka skrifað undir nýjan samning til fjögurra ára.