Sturridge ekki sami maður og hann var

Daniel Sturridge er ekki sami leikmaður og hann var þegar hann lék við hlið Luis Suárez hjá Liverpool að mati Jamie Carragher, sparkspekings hjá Skysports.

Sturridge skoraði 24 mörk í öllum keppnum keppnistímabilið 203/2014, en síðan þá hefur hann einungis 27 sinnum verið í byrjunarliði Liverpool í síðustu 120 deildarleikjum liðsins. Sturridge hefur eingöngu skorað þrjú mörk fyrir Liverpool á þessu almanaksári og Carragher hefur þungar áhyggjur af þróuninni á ferli enska landsliðsframherjans. 

„Þegar við ræðum um Sturridge leiðum við ávallt hugann að því þegar hann lék með Luis Suárez í framlínu Liverpool. Sturridge og Suárez voru baneitrað framherjapar. Við verðum að ég held að fara að átta okkur á því að við munum ekki sjá þá frammistöðu aftur á vellinum hjá Sturridge,“ sagði Carragher í sjónvarpsþætti á Skysports í kvöld. 

• Blogga um frétt