Knattspyrnumaðurinn Marcus Rashford þarf að berjast fyrir sæti sínu í landsliðshópi Englands fyrir Evrópumótinu í Þýskalandi í sumar.
Frá þessu greina miðlar þarlendis í morgunsárið. Rashford hefur hingað til verið fastamaður í enska landsliðinu.
Tímabil hans með Manchester United hefur þó ekki verið upp á marga fiska. Þá er hann einnig búinn að lenda í vandræðum utanvallar.
Er ástæðan fyrir því sennilega einnig hversu hörð samkeppnin er um stöður í enska landsliðinu. Verður United-maðurinn því að eiga góðan lokakafla til að tryggja sitt sæti.