Franski ökumaðurinn Charles Pic sagðist á blaðamannafundi í Interlagosbrautinni í Sao Paulo í dag efast að einhverju leyti um að hann fengi áframhaldandi starf í formúlu-1.

Pic, sem er 23 ára,  segir langt frá því frágengið að hann fái framlengingu á starfssamningi hjá Caterhamliðinu. Hann segir þar mestu ráða tilraunir Heikki Kovalainen til að fá að nýju starf hjá liðinu. 

Caterham skipti um báða ökumenn í lok síðustu vertíðar og réðist Pic þá þangað eftir eitt ár í skiprúmi hjá Marussia þar sem hann vakti athygli. Liðin tvö eiga í harðri baráttu um 10. sætið í keppni bílsmiða og hefur það síðarnefnda nú undirtökin vegna þrettánda sætis Jules Bianchi í Malasíukappakstrinum.

Charles Pic á Caterhambílnum í kóreska kappakstrinum í haust. mbl.is/afp

Charles Pic á Caterhmabílnum í bandaríska kappakstrinum í Austin í Texas. mbl.is/afp

Tengdar fréttir

Formúla-1/Caterham

Caterham virðist búið að vera

• Fjármagna ekki bílprófanir Caterham
• Mega nota 2014-bíla á næsta ári
• Ungur Breti keppir fyrir Caterham
• Barrichello keppir ekki

» Fleiri tengdar fréttir

• Blogga um frétt