Gunnhildur Yrsa Jónsdóttir lék allan leikinn fyrir Vålerenga og skoraði þriðja mark liðsins í 3:2-útisigri á Arna-Bjørnar í norsku A-deildinni í knattspyrnu í dag. Arna-Bjørnar komst í 2:0 eftir aðeins fjórar mínútur en Vålerenga snéri taflinu við og Elise Krieghoff skoraði sigurmarkið í blálokin eftir að Gunnhildur hafði jafnað leikinn eftir rúmlega klukkutíma leik.
Vålerenga er í sjöunda sæti af tólf liðum með 20 stig eftir 13 leiki.