Lærisveinar Alfreðs Gíslasonar í Kiel komust auðveldlega áfram í undanúrslit Meistaradeildar Evrópu í handknattleik með sigri á ungverska liðinu Pick Szeged í kvöld, 31:23, en leikið var í Kiel. Aron Pálmarsson spilaði mjög vel í leiknum og skoraði 2 mörk.
Kiel hóf leikinn af miklum krafti og var fljótlega komið í þá þriggja marka forystu sem liðið þurfti til þess að koma áfram en staðan var 18:10 í hálfleik.
Fyrri leikur liðanna í Ungverjalandi fór 31:29 og því þurfti Kiel að halda vel á spöðunum til að komast áfram sem og það gerði. Kiel verður eina þýska liðið sem spilar í Köln í „Final Four“ leikfyrirkomulaginu en hin liðin eru Barcelona frá Spáni, Kielce frá Póllandi og Veszprém frá Ungverjalandi. Dregið verður til undanúrslitanna á þriðjudaginn.