Davíð Oddsson, ritstjóri Morgunblaðsins, og Haraldur Johannessen, ritstjóri og framkvæmdastjóri Morgunblaðsins, skipa tvö efstu sæti listans yfir tekjuhæstu fjölmiðlamenn landsins í fyrra.

Davíð var með 3,9 milljónir króna í tekjur á mánuði í fyrra en Haraldur var með 2,6 milljónir króna. Björn Ingi Hrafnsson, útgefandi DV, skipar þriðja sæti listans með 2,4 milljónir á mánuði.

Kristín Þorsteinsdóttir, ritstjóri 365, var með 1,5 milljónir á mánuði og Ómar R. Valdimarsson, lögfræðingur sem var fréttamaður Bloomberg í fyrra, var með 1,4 milljónir króna á mánuði í tekjur árið 2016.

Kolbrún Bergþórsdóttir, ritstjóri DV, var með 1,4 milljónir króna og Logi Bergmann Eiðsson, fréttamaður 365 miðla, var með 1,4 milljónir á mánuði.

Þórður Snær Júlíusson, ritstjóri Kjarnans, var með 443 þúsund á mánuði og Edda Sif Pálsdóttir, dagskrárgerðarmaður hjá RÚV, var með 528 þúsund krónur. Jón Trausti Reynisson, ritstjóri Stundarinnar, var með 542 þúsund krónur en Trausti Hafliðason, ritstjóri Viðskiptablaðsins, var með 560 þúsund krónur á mánuði. 

Ingibjörg Dögg Kjartansdóttir, ritstjóri Stundarinnar, var með 562 þúsund krónur í tekjur á mánuði og Steingerður Steinarsdóttir, ritstjóri Vikunnar, var með 564 þúsund krónur í tekjur á mánuði árið 2016.

Í tekju­blaði Frjálsr­ar versl­un­ar er tekið fram að um út­svars­skyld­ar tekj­ur á ár­inu 2016 sé að ræða og þurfa þær ekki að end­ur­spegla föst laun viðkom­andi. Mun­ur­inn get­ur fal­ist í laun­um fyr­ir setu í nefnd­um og önn­ur auka­störf og hlunn­ind­um vegna kauprétt­ar­samn­inga. Jafn­framt hafa marg­ir tekið út sér­eign­ar­sparnað en hann telst með í út­svars­skyld­um tekj­um, seg­ir í blaðinu.

Tengdar fréttir

Tekjur 2016

49 embættismenn með hærri tekjur en Bjarni

• Með 2,8 milljónir í meðallaun
• Tekjuhæstu útgerðarmennirnir
• Ingólfur tekjuhæsti endurskoðandinn
• Tekjuhæstu skipstjórar landsins

» Fleiri tengdar fréttir

• Blogga um frétt