Kosningar hafnar hjá Almenna lífeyrissjóðnum

Kosningar til stjórnar Almenna lífeyrissjóðsins hófust í hádeginu og standa yfir fram til 3. apríl. Kosningarnar eru rafrænar og kosið er um tvö laus sæti í aðalstjórn og eitt sæti í varastjórn.

Þetta kemur fram í tilkynningu frá Almenna lífeyrissjóðnum.

„Að þessu sinni eru laus sæti tveggja kvenna í aðalstjórn en eins karls eða konu í varastjórn,“ segir í tilkynningunni.

Eingöngu sjóðfélagar geta boðið sig fram og eingöngu sjóðfélagar geta kosið á milli þeirra. Yfir 50 þúsund sjóðfélagar hafa atkvæðisrétt í kosningunum. 

Úrslit kosninganna verða kynnt á ársfundi sjóðsins sem haldinn verður fimmtudaginn 4. apríl 2024 á Hilton Reykjavik Nordica kl. 17.15.

Þrjár konur eru í framboði til aðalstjórnar:
- Arna Guðmundsdóttir
- Elva Ósk Wiium
- Heiða Óskarsdóttir

Sex eru í framboði til varastjórnar:
- Elva Ósk Wiium
- Gunnar Hörður Sæmundsson
- Hans Grétar Kristjánsson
- Heiða Óskarsdóttir
- Kristján Þórarinn Davíðsson
- Kristófer Már Maronsson

Sérstakur kosningavefur er opinn á heimasíðu Almenna lífeyrissjóðsins þar sem hægt er að kynna sér frambjóðendur til stjórnar 2024 og greiða atkvæði. Kosningum lýkur miðvikudaginn 3. apríl klukkan 16.

• Blogga um frétt