Hér er frábær  vefsíða til að læra eða bæta skriðsundið http://www.swimsmooth.com/

Það eitt að horfa á rétt sundtök hjálpar þér óbeint þegar þú kemur í laugina, en hér geturðu séð sundmanninn frá öllum hliðum og einnig stillt hraðann. Takið eftir hvað neðri hluti líkamans er nálægt yfirboðinu en eitt það fyrsta sem byrjendur byrja á að læra er að ná svokölluðu jafnvægi í vatninu og æfingar sem þú finnur á erlendum vefsvæðum til að laga þetta eru kallaðar “balance drills”.

Hér skilgreina þeir byrjendur sem þá sem eru að læra sundtökin eða eru ennþá  á því stigi að þurfa að stoppa reglulega og hvíla.

Meðal sundmenn eru þeir sem synda 100 metra skriðsund á 1:30-2:10. Þetta finnst mér reyndar ansi gróf flokkun. Það sem ég upplifi við þjálfun er að þeir sem hafa ekki sundbakgrunn ná sér á 3-4 mán úr 2:10 niður í 1:50 með því að synda tvisvar í viku. Til að komast niður í 1:40 þurfa flestir að synda þrisvar í viku (oftast í 6-12 mán) og til að ná þér niður í 1:30 erum við að tala um 4-5 sinnum í viku (12-18 mán). Reyndar þegar þú nærð þér síðan á ákveðið stig þá þarftu gjarnan minna til að halda þér við en ég tek fram að þetta eru mín viðmið og auðvitað mjög misjafnt eftir einstaklingum.