Kínverska gervigreindarfyrirtækið DeepSeek hefur vakið mikla athygli en spjallmenni fyrirtækisins er nú það forrit sem hefur verið sótt mest á lista Apple yfir vinsælustu öppin sem hafa verið hlaðið niður. Óvæntur uppgangur fyrirtækisins hefur komið mörgum á óvart.

Sýrlensk stjórnvöld hafa rift samkomulagi við Rússa um rekstur hafnaraðstöðu í borginni Tartus við Miðjarðarhaf. Rekstur hafnarinnar er nú í höndum sýrlenskra yfirvalda.

Sænska landhelgisgæslan hafði afskipti af búlgörsku flutningaskipi eftir að hafa veitt því eftirför á Eystrarsaltinu. Grunur leikur á að skipið hafi átt þátt í því að ljósleiðari, sem liggur á milli Svíþjóðar og Lettlands, hafi skemmst.

Bandaríska leyniþjónustan CIA telur nú líklegast að rekja megi upptök kórónuveirufaraldursins til rannsóknarstofu í Wuhan í Kína.

Kólumbía hefur samþykkt öll skilyrði sem Donald Trump, forseti Bandaríkjanna, hefur sett um flutning innflytjenda til Kólumbíu.

Hamas mun í vikunni sleppa sex gíslum úr haldi á Gasaströndinni gegn því að Ísraelsmenn leyfi íbúum á Norður-Gasa að snúa aftur heim, að sögn Benjamíns Netanjahús, forsætisráðherra Ísraels.

Mette Frederikssen, forsætisráðherra Dana, er sögð leita eftir stuðningi frá Norðurlöndunum eftir að Donald Trump Bandaríkjaforseti ítrekaði á laugardag að hann hygðist leggja undir sig Grænland.

Breska veðurstofan varar við því að næsta illviðri í röðinni, Herminía, sem þegar hefur gert Spánverjum og Frökkum nokkra skráveifu – þó aðeins í afmörkuðum hlutum heimalanda þeirra – geti fært með sér hættu á slysum á fólki og jafnvel lífshættu. Kostaði hinn nýafstaðni stormur Jóvin tvö mannslíf.

Elon Musk var óvæntur gestur í gegnum fjarfundarbúnað á kosningafundi þýska þjóðernisflokksins AFD í gær. Sagði hann að flokkurinn væri besta valið fyrir framtíð Þýskalands.

Hinn ferkantaði þriggja tonna Tesla Cybertruck hefur nú hlotið samþykki þar til bærra norskra yfirvalda til að aka um stræti og torg þar í landi og hefur fyrirtækið Norwegian Machinery, sem flytur inn bifreiðar frá Bandaríkjunum, fengið til landsins fyrstu Cybertruck-bifreiðina sem skarta mun norskum skráningarnúmerum.

Fimm manns eru í haldi lögreglunnar í Bærum, nágrannasveitarfélagi norsku höfuðborgarinnar Óslóar, í kjölfar þess að hafa verið staðnir að verki við drónaflug við eða á bannsvæði nú upp úr hádegi í dag.

Sæstrengur með ljósleiðara þvert á Eystrasaltið, milli Svíþjóðar og Lettlands, varð fyrir skemmdum snemma í morgun. Frá þessu greinir lettneska ríkisútvarpið LSM, en skemmdirnar á kaplinum eru innan sænskrar efnahagslögsögu. Tengist hann Svíþjóð gegnum sænsku eyjuna Gotland.

Maður nokkur var handtekinn fyrir að sparka í kanínu á eyjunni Okunoshima í Japan í vikunni en hún er þekkt fyrir stórt og myndarlegt kanínusamfélag, að sögn AFP. Leika þær víst lausum hala og ferðamenn hafa yndi af því að gefa þeim að éta, ef marka má vefsíðu eyjunnar. Dýrið drapst af sárum sínum.

Hryðjuverkasamtökin Heil­agt stríð segja Bandaríkjaforseta hvetja til stríðsglæpa með hugmyndum sínum um að flytja Palestínumenn frá Gasasvæðinu. Hamas-samtökin segjast ætla að beita sér gegn hugmyndinni en fjármálaráðherra Ísraels segir hana frábæra.

Alþjóðaheilbrigiðismálastofnunin WHO segir að 70 hafi fallið í árás á sjúkrahús í vesturhluta Súdans.

Donald Trump Bandaríkjaforseti hefur stungið upp á því að flytja alla íbúa Gasasvæðisins til Egyptalands og Jórdaníu.

Norskur ekkjumaður barðist árum saman fyrir því að sanna mistök á bráðamóttöku sjúkrahúss í Bodø í kjölfar þess er kona hans lést við komuna þangað. Sjúkrahúsið játaði sök sína sjö árum eftir andlátið.

Þrjú ungmenni eru látin og eitt liggur lífshættulega slasað á sjúkrahúsi eftir að bifreið þeirra fór út af vegi í Vestur-Yorkshire á Englandi um klukkan 20:30 í gærkvöldi að staðartíma þar, nærri þorpinu West Bretton.

„Þess vildi ég óska að ég gæti ábyrgst að ekkert meira gerðist, en ég ábyrgist að við gerum allt sem í okkar valdi stendur til að stemma stigu við þessum atburðum,“ segir Max Åkerwall, starfandi lögreglustjóri suðurumdæmis lögreglu sænska höfuðborgarinnar Stokkhólms, í samtali við þarlenda ríkisútvarpið SVT.

Lögreglan í Sarpsborg í Noregi skaut mann á fimmtugsaldri í nótt í útkalli á heimili hans í kjölfar þess er maðurinn dró fram skotvopn og skaut á viðstadda lögregluþjóna.