Rebecca Loos, sem segist hafa átt í ástarsambandi við knattspyrnumanninn David Beckham, fékk ekki inngöngu í gærkvöldi í samkvæmi sem Mohammed al Fayed, eigandi stórverslunarinnar Harrods, hélt. Loos hefur skyndilega orðið gildandi í samkvæmislífi Lundúnaborgar eftir að hún birtist á síðum blaða og í sjónvarpsviðtölum. Henni var því boðið í samkvæmi Harrods en þegar al Fayed frétti það lét hann starfsmenn sína koma þeim boðum til Loos að hún væri ekki velkomin.

Talsmaður Al Fayeds segir að þessi ákvörðun hafi verið tekin vegna þess að Al Fayed sé vinur Davids og Victoriu Beckham og þau versli mikið í Harrods.

„Mohammed á auðvitað verslunina og getur því gert það sem hann lystir. Það vill svo til að ég vann þar fyrir mörgum árum og var velkomin en tímarnir breytast," sagði Loos.

Tengdar fréttir

David Beckham sakaður um framhjáhald

Beckham segir líf sitt nánast óþolandi

• Beckham afar ósáttur við bresk blöð
• Victoría Beckham segist sannfærð um tryggð Davids
• Rebecca Loos í stefnumótaþáttinn Ást á laugardagskvöldi
• Victoria segist ekki ætla að skilja við David

» Fleiri tengdar fréttir

• Blogga um frétt