David Beckham, fyrirliði enska knattspyrnulandsliðsins, fór í viðtali við breska ríkisútvarpið BBC ófögrum orðum um bresk blöð og þá meðferð sem hann og fjölskylda hans hafa fengið að undanförnu á síðum þeirra. Beckham er nú í æfingabúðum með enska landsliðinu á ítölsku eynni Sardiníu en liðið býr sig nú undir úrslit Evrópumótsins í knattspyrnu.

Beckham sagðist hafa um tíma íhugað að hætta að veita ákveðnum fréttastofum viðtöl eftir fjölmiðlafárið sem hlaust út af fullyrðingum fyrrum aðstoðarkonu Beckhams um að þau hefðu átt í ástarsambandi á Spáni sl. haust. Beckham er giftur og á tvö börn.

„Ég hef gert gert tveimur blöðum ljóst, að það sé til algerrar skammar hvernig þau hafi farið með mig og fjölskyldu mína. Ég er, þegar öllu er á botninn hvolft, góður strákur og ástríkur eiginmaður og faðir," sagði Beckham í viðtalinu. „Ég geri mér grein fyrir því, að sem fyrirliði enska liðsins beri mér að tala við aðdáendur mína og þess vegna geri ég það."

Tengdar fréttir

David Beckham sakaður um framhjáhald

Beckham segir líf sitt nánast óþolandi

• Victoría Beckham segist sannfærð um tryggð Davids
• Rebecca Loos ekki velkomin í Harrods
• Rebecca Loos í stefnumótaþáttinn Ást á laugardagskvöldi
• Victoria segist ekki ætla að skilja við David

» Fleiri tengdar fréttir

• Blogga um frétt