Óska eftir aðkomu lögreglu í máli Katrínar
Setja bókamerki
The London Clinic, einn virtasti einkaspítali Bretlands, hefur óskað eftir aðkomu lögreglu að rannsókn vegna grunsemda um að starfsmaður spítalans hafi reynt að lesa sjúkraskrá Katrínar prinsessu af Wales án heimildar.
Greint var frá því í gær að spítalinn hefði opnað rannsókn innan veggja sinnar.
Katrín, eiginkona Vilhjálms Bretaprins og ríkisarftaka, lá inni á The London Clinic í tvær vikur í janúar í kjölfar aðgerðar á kviðarholi.
Reglurnar skýrar
Breska konungshöllin hefur greint frá því að veikindi Katrínar tengist ekki krabbameini, en að ósk Katrínar hafa nánari upplýsingar um heilsufar hennar ekki verið gefnar út.
Í viðtali á útvarpsstöðinni LBC sagði Maria Caulfield, heilbrigðisráðherra Bretlands, að reglur um aðgengi að sjúkraskrám væru mjög skýrar.
„Þú mátt ekki skoða sjúkraskrár nema þú hafir annast sjúklinginn, eða hann hafi gefið þér heimild til þess að skoða sjúkraskrána. Minn skilningur er sá að óskað hefur verið eftir aðkomu lögreglu,“ sagði Caulfield.
AFP-fréttaveitan greinir frá og segir að í tilkynningu frá Lundúnalögreglunni að hún hefði ekki fengið neina beiðni inn á sitt borð að svo stöddu.
Forstjóri London Clinic sendi frá sér yfirlýsingu í dag þar sem hann lofaði því að málið yrði rannsakað til hlítar. Spítalinn hefði viðeigandi ferla til að bregðast við.
Vonast til að tjaldbúðir við HÍ standi áfram
Nemendur í HÍ reistu tjaldbúðir án leyfis
Þyngri refsing fyrir að nauðga stjúpdóttur æskuvinar
Væri að ljúga ef ég segðist ekki stressaður
Forsetinn líti yfir axlirnar á þingheimi
Mál hjúkrunarfræðingsins fer aftur fyrir héraðsdóm
Rothissa á vinnubrögðum forystu BÍ