Kafari drukknaði við björgunarstarf
Setja bókamerki
Suðurkóreskur kafari drukknaði við leit að líkum í ferjunni sem sökk undan ströndum landsins í síðasta mánuði. Um 300 létu lífið í slysinu. Kafarinn var að gera nýtt gat á flak ferjunnar er hann drukknaði.
Kafarinn er 46 ára. Hann var dreginn meðvitundarlaus upp úr sjónum og blæddi þá mikið úr andliti hans.
Hann var skömmu síðar úrskurðaður látinn á sjúkrahúsi. Enn er ekki vitað með vissu hvernig slysið varð.
Þetta er annar kafarinn sem lætur lífið í björgunaraðgerðinni. Sewol-ferjan sökk þann 16. apríl undan suðurströnd Suður-Kóreu. Um borð voru 476, aðallega börn og unglingar.
Engin lík hafa fundist frá því 21. maí. Staðfest er að 288 fórust en sextán er enn saknað.
Mjög erfiðar aðstæður eru á svæðinu. Hafstraumar eru þar sterkir og skyggni mjög lélegt í sjónum fyrir kafarana. Margir þeirra hafa slasast eða fengið köfunarveiki.
Hættu við vopnasendingu til Ísraels
„Það er verið að slátra íslenskum heimilum“
Mældist á 174 km hraða í gegnum vinnusvæði
Sérkennilegt hjá borginni
„4-5% gólf sem við verðum bara að brjótast í gegnum“
Stýrivextir Seðlabankans óbreyttir