Tveimur ungum stúlkum, 6 og 8 ára, var rænt á heimleið úr skóla í Noregi í dag. Lögreglan grunar föður þeirra um aðild að málinu. Systurnar eru af tsjetsjenskum uppruna og bjuggu á fósturheimili.

Þær Rajana og Somaja Dudaeva fóru með skólabílnum heim úr grunnskólanum í Kongsvinger í Austurmörk síðdegis í dag, eins og venjulega. Fósturforeldrarnir biðu þeirra í strætóskýlinu, en skyndilega var silfurgráum jeppling ekið að skýlinu. Tveir grímuklæddir menn gripu stúlkurnar og óku með þær burt.

Aftenposten hefur eftir lögreglumanninum Iren Johnsen Dahl að blóðfaðir stúlknanna hafi verið á staðnum og hindrað fósturforeldrana í að bjarga stúlkunum. Hann hafi síðan hlaupið burt.

Fram kemur á vef Aftenposten að í ljósi þess að þetta var aðeins 30 km frá landamærunum til Svíþjóðar sé hugsanlegt að farið hafi verið með þær úr landi. Lögreglan í Noregi hefur biðlað til almennings um að láta vita, sjáist til stúlknanna eða föðurs þeirra.

Tengdar fréttir

Systrum rænt í Noregi

Yfirmaður Thomas Cook biðst afsökunar á björgunarmyndbandi

• Segir stúlkurnar vera í Tsjetsjeníu
• Ungu systurnar enn ófundnar
• Vilja ræða við kærustu föðurins
• Systurnar hugsanlega í Rússlandi

» Fleiri tengdar fréttir

• Blogga um frétt