Gríðarleg sprenging varð í kínversku borginni Tianjin rétt í þessu. Myndband af sprengingunni gengur nú um netið, en gera má ráð fyrir því að fjöldi fólks hafi slasast eða látið lífið.
Sprengingin varð um klukkan hálf 12 fyrir miðnætti á staðartíma. Mikil höggbyglja fylgdi í kjölfarið. Talið er að olíubirgðastöð hafi sprungið.
Uppfært 18:20:
Samkvæmt kínverska fréttamiðlinum China Xinhua News hafa þegar hundruð leitað á sjúkrahús eftir sprenginguna. Talið er að hún hafi orðið í geymslurými í borginni sem innihélt sprengiefni, en það hefur þó ekki verið staðfest. Einnig er talið mögulegt að gasvinnsla eða olíubirgðastöð hafi sprungið.
Tianjin er fjórða stærsta borg Kína, en rúmlega 15 milljónir manna búa í borginni sem er í um 100 kílómetra fjarlægð frá Peking.
Fjöldi fólks hefur birt myndir og skilaboð á Twitter undir myllumerkinu #tianjin og ljóst er að áhrifin eru gríðarleg. Enn hefur hvergi komið fram hversu margir hafa slasast eða látið lífið.
Uppfært 18:44:
Samkvæmt frétt breska ríkisútvarpsins berjast slökkviliðsmenn nú við eldinn sem sprengingin olli og hefur tekist að halda honum í skefjum, en tveggja slökkviliðsmanna er saknað.
Rafmagn fór af svæði í kringum sprenginguna, og enn er rafmagnslaust á þeim stöðum. Vitni segja sprenginguna hafa verið gríðarlega sterka, og að jörðin hafi nötrað.
Samkvæmt frétt BBC var það olíubirgðastöð sem sprakk.
#BREAKING: Eyewitness video of an explosion in Tianjin, China (Video: http://t.co/vYSDshbKN1) pic.twitter.com/Pa0Nd8OaN3
— Grasswire (@grasswire) August 12, 2015
#DEVELOPING: Chinese social media users posting photos of the wreckage in their homes caused by explosion in #Tianjin pic.twitter.com/JMx7PFzOT3
— TFC (@TibetanFeminist) August 12, 2015
#DEVELOPING: More scenes from post-explosion chaos in #Tianjin as people flee the devastation & rush to the hospital. pic.twitter.com/kkF6CRRQwu
— TFC (@TibetanFeminist) August 12, 2015
#DEVELOPING: More images coming in from #Chinese social media of people fleeing the massive #explosion in #Tianjin. pic.twitter.com/Nx0yeTEIRz
— TFC (@TibetanFeminist) August 12, 2015
More images from the aftermath of the explosion in #Tianjin pic.twitter.com/Y7c33OCzXt
— Mr. C (@dorrian60) August 12, 2015