„Góðir straumar“ á milli Trump og Pútíns
Setja bókamerki
Donald Trump Bandaríkjaforseti og Vladimír Pútín, forseti Rússlands, áttu kröftugar og langar samræður um þær ásakanir sem beinst hafa gegn Rússlandi um afskipti af bandarísku forsetakosningunum.
Þetta segir Rex Tillerson, utanríkisráðherra Bandaríkjanna, um fund leiðtoganna sem átti sér stað í Hamborg fyrr í dag.
Bætti hann við að Trump hefði ítrekað krafið Pútín svara en hann hefði neitað hvers kyns afskiptum af kosningunum. Utanríkisráðherra Rússlands, Sergei Lavrov, segir Trump hafa samþykkt svör Pútíns.
Leiðtogar ríkjanna tveggja munu þá hafa deilt mjög góðum straumum að sögn Tillersons, en fundurinn varði í tvo klukkutíma og 15 mínútur.
„Fundurinn var mjög uppbyggilegur og leiðtogarnir tengdu saman mjög fljótt,“ segir Tillerson. „Það voru mjög augljósir góðir straumar á milli þeirra beggja.“
„Gleymum því ekki að okkar vali fylgir ábyrgð“
„Aðför að samfélaginu í heild sinni“
Mældist á 174 km hraða í gegnum vinnusvæði
„Hætta á því að það dragi úr samstöðunni“
Skuldahalinn lengist í Reykjavík
Fylgi Höllu hrundi eftir kappræðurnar
Hvernig er vitað að þessi kona átti þetta barn?