Stjórnvöld í Bangladess ætla að halda til streitu áætlunum sínum um að flytja um 100 þúsund flóttamenn frá Búrma út á láglenda eyju undan ströndum landsins. Þeir segja að „mjög fljótlega“ hefjist flutningurinn á rohingjunum sem flúið hafa í þúsundavís undan ofbeldi hersins í Búrma til nágrannaríkisins Bangladess.

Eyjan Thengar Char í Bengal-flóa er það láglend að við ákveðnar veðurfarslegar aðstæður fer stór hluti hennar á kaf. Stefnt er að því að flytja rohingjana þangað innan árs. 

Tæplega 630 þúsund rohingjar hafa flúið til Bangladess frá því í ágúst er ofbeldisalda gegn þeim hófst í heimalandinu. Í Búrma höfðust þeir við á vírgirtum svæðum í Rakhine-ríki og höfðu takmarkað ferðafrelsi. Búrmíski herinn er sakaður um að hafa myrt fólk, nauðgað konum og brennt hús þeirra. 

Herinn neitar þessum ásökunum sem m.a. hafa verið framsettar af Sameinuðu þjóðunum. Samkomulag var gert nýverið milli Búrma og Bangladess um að flóttafólkinu verði gert að fara aftur til Búrma. Mannúðarsamtök sem og Sameinuðu þjóðirnar óttast að aðstæður í heimalandinu séu ekki öruggar.

Frétt CNN um málið.

Tengdar fréttir

Rohingjar á flótta

Bátur með 180 Róhingjum á reki í meira en mánuð

• Fundu 14 lík á ströndinni
• Bandaríkin segja Mjanmar hafa framið þjóðarmorð
• Rohingjar höfða mál gegn Facebook
• Þaggað niður og falið í skugga skammar

» Fleiri tengdar fréttir

• Blogga um frétt