Dalmatíuhundurinn sem beit bréfbera í Mosfellsbæ fyrir rúmri viku var svæfður síðastliðinn föstudag.
Að sögn Hafdísar Óskarsdóttur, hundaeftirlitsmanns í Mosfellsbæ, var það ákvörðun eigenda að aflífa hundinn. Hinn kosturinn var að hundurinn færi í atferlismat, en til þess kom ekki.
Hundurinn náð að slíta band sem hann var bundinn með og réðist að konu sem var að bera út póst í Hagalandi mánudag fyrir viku. Hann beit konuna í magann og hún datt illa við árásina svo bæði sköflungur og sperrileggur brotnuðu.