Brúarsmíði yfir Múlakvísl gengur eins og í sögu og er því jafnvel hvíslað að opnað verði fyrir umferð um helgina. Fyrir ferðamenn sem flytja þarf yfir ána með rammbyggðum rútum eru aðstæður á staðnum ævintýri líkastar.

Tveir brúarvinnuflokkar eru á staðnum. Brúin verður 156 m löng, byggð í 9 mislöngum höfum en því ráða lengdir stálbita sem voru til á lager Vegagerðarinnar.

Tíu til tólf metra langir rafmagnsstaurar eru reknir niður og eru fjórir staurar í hverju oki. Hæð undir stálbita er um 2,5 metrar. Brúin er byggð á fyllingu sem síðan verður fjarlægð og ánni beint undir brúna. Líklegt er að það verði gert á laugardagsmorgun. 

Brúarsmíðin við Múlakvísl gengur afar vel. mbl.is/Jónas

Tengdar fréttir

Múlakvísl

Hlaupi í Múlakvísl lokið

• Hlaupið í Múlakvísl í rénun
• Minni gasmengun en hlaupið stöðugt í Múlakvísl
• Varhugavert að staldra við nálægt Múlakvísl
• Hlaupið í Múlakvísl ekki náð hámarki og gæti vaxið

» Fleiri tengdar fréttir

• Blogga um frétt