Betur fór en á horfðist þegar ökumaður bifreiðar í umdæmi lögreglunnar á Suðurnesjum dottaði undir stýri með þeim afleiðingum að bifreiðin endaði þversum á akbrautinni. Áður hafði bifreiðin farið yfir umferðareyju, lent á móti umferð, farið yfir aðra umferðareyju og þar yfir umferðarskilti.
Þá óku erlendir ferðamenn bílaleigubíl á hlið sem lokar námunum við Stapafell. Framrúðan í bifreiðinni brotnaði, auk fleiri skemmda sem á henni urðu við atvikið. Hliðið skemmdist töluvert.