Reykjavíkurborg kemur verst allra sveitarfélaga út úr nýrri þjónustukönnun Gallup sem gerð var á tímabilinu 13. nóvember í fyrra til 5. janúar á þessu ári.
Vermir hún neðsta sætið í átta þáttum af tólf sem kannaðir voru samkvæmt heimildum Morgunblaðsins. Niðurstöðurnar hafa ekki verið gerðar opinberar og hefur borgin neitað að kaupa þær.
Í gær samþykkti meirihluti borgarráðs að fela skrifstofustjóra borgarinnar að útfæra eigin þjónustukönnun meðal borgarbúa. Í könnun Gallup í fyrra vermdi borgin einnig botnsætið þegar spurt var um þjónustu stærstu sveitarfélaga landsins, að því er fram kemur í umfjöllun um mál þetta í Morgunblaðinu í dag.