Tilkynnt var um eld í Bankastræti 6 klukkan 10 mínútur yfir 11 í dag. Búið var að slökkva eldinn fimm mínútum síðar en töluverður reykur hlaust af.
Samkvæmt upplýsingum frá slökkviliði höfuðborgarsvæðisins er nú verið að reykræsta og kanna skemmdirnar í húsinu.
Nokkrar verslanir og fyrirtæki eru í húsinu, þar á meðal Tóbaksverslunin Björk, en ekki lá fyrir hvar eldurinn hefði komið upp þegar fréttastofa hafði samband við slökkvilið.
Uppfært 12:03
Eldurinn kom upp í íbúðarhúsnæði á þriðju hæð hússins.