Það er óhætt að segja að EM-stemningin sé í hámarki hjá íslensku þjóðinni en það sýnir sig ekki síst í óseðjandi eftirspurn eftir landsliðstreyjum og háværum hú-um sem óma um gjörvallt land.
Starfsmenn Garðabæjar og leikskólabörn í sveitarfélaginu eru meðal þeirra sem hafa þanið lungun í hinu vígalega víkingahrópi og senda öllum landsliðum Íslendinga baráttukveðjur á Facebook.
Afraksturinn má sjá hér fyrir neðan en Garðbæingar skora á önnur sveitarfélög að gera slíkt hið sama.