Aðalfundi Skógræktarfélags Íslands lauk á Djúpavogi laust fyrir hádegi. Ályktað var um eflingu skógræktar með því markmiði að á næstu fimm árum verði gróðursettar átta milljónir trjáplantna árlega.
Stjórnvöld voru hvött til að auka skógrækt á ný í landinu. Gróðursetning hafi dregist saman úr sex milljónum skógarplantna á ári frá 2007 niður í um þrjár milljónir, samkvæmt Skogur.is.
Um 120 félagar úr aðildarfélögum Skógræktarfélags Íslands víðs vegar um landið tóku þátt í fundinum.
Magnús Gunnarsson verður áfram formaður félagsins. Þrír aðrir aðalmenn í stjórn eru Sigrún Stefánsdóttir, Sigríður Júlía Brynleifsdóttir, Aðalsteinn Sigurgeirsson, Guðbrandur Brynjólfsson, Þuríður Yngvadóttir og Páll Ingþór Kristinsson.