Þingfundi, sem hófst klukkan 13.30 í dag, var frestað rétt fyrir klukkan 19.00 í kvöld en þá var stefnt að því að honum yrði haldið áfram tveimur klukkustundum síðar. Síðan hefur honum ítrekað verið frestað en stefnt er að því að fundurinn hefjist aftur á slaginu 23.00.
Stefnan er sett á að ljúka þingfundum í dag, eða í það minnsta áður en þingmenn leggjast til svefns.
Þingheimur á eftir að ræða breytingar á lögum um útlendinga varðandi stöðu barna í röðum hælisleitenda og afnám uppreistar æru í lögum en líklegt þykir að þingfundur gæti staðið langt fram á nótt.