Hann taldi sig færan í flestan sjó örninn, sem kom að hreiðri hrafna fyrir ofan Höfða í Skutulsfirði í gær. Þessi konungur íslenskra fugla kom fullur sjálfstrausts en misreiknaði krumma kallinn. Þeir vörðust fimlega hrafnarnir tveir og á endanum flúði konungurinn sjálfur af hólmi. Það er betra að þekkja sín takmörk.
Í gær bárust fréttir af því að varp arnarins hefði tekist mjög vel á þessu ári og væri hann nú farinn að verpa sunnanlands í fyrsta skipti í marga áratugi.