Hafdís Björg Kristjánsdóttir einkaþjálfari og Kristján Einar Sigurbjörnsson, Kleini, fögnuðu því í gær að vera búin að vera saman í eitt ár. Hún skrifaði hjartnæma kveðju í tilefni dagsins og rifjaði upp þeirra fyrsta stefnumót.

„Við erum eins árs. Eitt ár síðan þú pikkaðir mig upp og bauðst mér í smá bíltúr sem endaði í 6 tíma hláturskasti og tuði. Ég áttaði mig á því mjög fljótt hversu mikið þú varst allt sem ég hef þráð svo lengi. Þú rífur upp slæmu dagana með ömurlegum pabba húmor, finnur lausnir á öllu og ert alltaf til staðar hvort sem það er fyrir mig eða strákana! Ég er svo ótrúlega þakklát fyrir allt sem við höfum gengið í gegnum saman því það hefur gert okkur mun sterkari fyrir vikið og ég veit að sama hvað þá verður þú alltaf minn. Elska þig endalaust ástin mín og hlakka til að búa til fallega framtíð með þér,“ segir Hafdís á Facebook-síðu sinni.

Kærustuparið Hafdís og Kleni voru ekki búin að vera að hittast lengi þegar Smartland komst á snoðir um sambandið en greint var frá því 30. mars í fyrra. 

Frétt af mbl.is

Hafdís og Kristján Einar nýtt par

Smartland óskar parinu til hamingju með ástina. Megi ástin endast sem lengst! 

Tengdar fréttir

Hafdís & Kleini

Hafdís og Kleini gera samninga og vilja kynna þjóðina fyrir nýjungum

• Hafdís sendi Kleina hjartnæma afmæliskveðju
• Kleini sneri aftur á samfélagsmiðla: „Ertu að gefa mér Porsche?“
• Hafdís fetar í fótspor Kleina og tekur samfélagsmiðlapásu
• Ástin hefur verið áskorun

» Fleiri tengdar fréttir

• Blogga um frétt