Spænski miðjumaðurinn hjá Manchester United hefur sagt að Louis van Gaal sem tók við stjórn liðsins fyrr í mánuðinum hafi sagt leikmönnum sínum að þeir eigi að hafa samskipti á ensku.
Mata fékk landa sinn Ander Herrera til liðsins fyrr í mánuðinum, en þeir verða hins vegar að hafa öll sín samskipti á ensku hvað liðið varðar. Þetta er ekki eina breytingin sem van Gaal kemur með til liðsins, en hann ætlar að leggja meiri áherslu á að nota vængmenn. Mata er ánægður með komu Hollendingsins.
„Hann er mjög hreinskilinn og talar við alla í eigin persónu. Þannig á að gera það,“ sagði Mata.